ترامپ وه تويڕه‌يگه‌و په‌لامار "تريزا ماى" دا: دقه‌ت له‌بانم مه‌كه
2017-11-30T07:16:00+00:00
شه‌فه‌ق نيوز/ دوناڵد ترامپ سه‌رۆك ئه‌مريكى، داوا له تريزا ماى سه‌رۆك وه‌زيره‌يل بريتانى كرد دقه‌ت له‌بان ترۆر ئسلامى راديكاڵى بكا له بريتانيا، ئه‌ويش دوياى ئه‌وه‌گ ره‌خنه له‌لى گيريا دوياى لێدوانه‌يلى دژ موسڵمانه‌يل.
ترامپ له بان ماڵپه‌ڕ توێته‌ر له باسيگ ئه‌را ماى وت: دقه‌ت له‌بانم مه‌كه، دقه‌ت له‌بان ترۆر ئسلامى تونڕه‌و بكه ك وجوود ديرن له بريتانيا.
جى باسه، له‌لايه‌ن خوه‌ييشه‌و، ماى ره‌خنه له ترامپ گرت وه ئه‌وه‌گ سێ قسه دژ موسڵمانه‌يل كردگه له‌بان توێته‌ر، يه‌يش دوياى ئه‌وه‌گ جيگر سه‌ركرده‌ى جه‌ماعه‌ت راس بريتانى بڵاويه‌و كرد، يه‌يش بيجگه ئه‌وه‌گ هووكاره‌يل ره‌سانن خوه‌رئاوايى ره‌خنه‌يل فراوانيگ دژ سه‌رۆك ئه‌مريكى گرتن وه‌بوونه‌ى بڵاوكردنه‌وه‌ى قسه‌يلى دژ موسڵمانه‌يل.
