ترامپ نياز په‌لامار سه‌ربازى ديرێد له سوريا
2017-04-06T20:43:00+00:00
شه‌فه‌ق نيوز/ "سى ئێن ئێن" له زووان سه‌رچه‌وه‌يل ئه‌مريكى ئاشكراى ئه‌وه كرد ك دوناڵد ترامپ سه‌رۆك ئه‌مريكى ئاگادار ئه‌ندامه‌يل له كۆنگرس كردگه ك هوير له كرده‌وه‌ى سه‌ربازى ئه‌كا دژ سوريا.
له‌ى باوه‌ته‌و، وه‌رپرس گه‌ورايگ له ئداره‌ى ئه‌مريكى وت: وڵاته‌يل يه‌كگرتگ جواودانه‌وه‌ى سه‌ربازى له‌بان په‌لاماره‌گه‌ى سوريا وه غاز وه دوير نازانێد ك بويه هووكار كوشتن ده‌يان كه‌س مه‌ده‌نى.
جى باسه، قه‌واره‌ى ئه‌و پلان سه‌ربازى ئه‌مريكيه له باره‌ى په‌لامارداين ئامانه‌جه‌يليگ په‌يوه‌س وه رژيم به‌شار ئه‌سه‌د هيمان ئاشكرا نيه.
