ترامپ: متمانه‌ى فريه‌يگ وه پاشاى سعودى و وه‌لى عه‌هده‌گه‌ێ ديرم
2017-11-07T07:59:00+00:00
شه‌فه‌ق نيوز/ دوناڵد ترامپ سه‌رۆك ئه‌مريكى تاريف سه‌لمان بن عه‌بدولعه‌زيز شاى سعودى و وه‌لى عه‌هده‌گه‌ى كرد، ئه‌ويش دوياى ئه‌و هه‌ڵمه‌ته‌يل ده‌سگيركردنه ك ده‌سڵاته‌يل سعودى ده‌رهه‌ق وه شماره‌يگ له ميره‌يل و پياوه‌يل كار و وه‌زيره‌يل ئيسه‌ى و وه‌رين ئه‌نجامى دان.
ترامپ له لاپه‌ڕه‌ى تايبه‌ت خوه‌ى له‌بان ماڵپه‌ڕ تويته‌ر نويساگه: متمانه‌ى فريه‌يگ وه شا سه‌لمان و مير محه‌مه‌د وه‌لى عه‌هدى ديرم.
جى باسه، سعود ئه‌لمعجه‌ب ئه‌ندام گشتى له سعوديه وت: ئه‌وه‌گ له 4 نۆڤه‌مبه‌ر/ ته‌شرين دويه‌م روێدا ته‌مامكه‌ره ئه‌را قوناغ يه‌كه‌م له هه‌وڵه‌يل له‌ناوبردن گه‌ناته‌كارى.
