تاڵیبان شیعەی ئەفغانستان لەماڵ دەرکەێد
شەفەق نیوز/ سەدان لە خیزانەیل هەزارەی شیعە لەناوڕاس ئەفغانستان لەو مەوقەگ تاڵیبان دەسناسە بان حکومڕانی کابوڵ، بان گردنە وەر، ک رخەیلە لە نووەبۊن ستەمکاری لەبان ئی کەمینەی ئاینیە زیایەو کرد.
لەماوەی ئی هەفتە، تاڵیبان هوشداری ئەرا خەڵک ئاوایەیل کەندیر و تاجیدار وە دەرچگن لەماڵەیلیان وە ماوەی ٩ رووژ دەرکرد، و خەڵک دوو ئاوایەگە دووپات کردن ک هەزاران کەس لە ٧٠٠ بنەماڵە لە هەزارە فەرمانەیل تاڵیبان جیوەجی کردن و لەماڵەیلیان دەرچگن.
لە هەفتەی گوزەیشتە، مەڵا مەسرور حکومڕان تاڵیبان لەناوچەی باتوبلە کەرت دایکندی، هوشداری داگە ئاوایەیل شاغولجا و خەرجاک، و فەرمان دررچگن لەماڵەیلیان وە ماوەی پەنج رووژ دادە خەڵکەگە.
حکومڕانەیل تاڵیبان هەکاتی فرەی ئەندامەیل بزووتنەوەگە لە کۆمەڵگای پیشتون سونەن.
غولام هەزرەت محمدی، گەورەی هووزیگ لە تاجیدار وت: یە کار رخبەریگە، یە تەنیا وەسەر ئیمەی هەزارە تیەێد.
بەشیگ لەنخەڵکەگە وتن: تاڵیبان و کەسەیل لایەنگریان دەسنانە بان رێن و کشتوکاڵی کەسەیل هەزارە.
لەلای خوەییش، تاڵیبان وت: بارکردن هەزارەیلە وەشیوەیگ نایاسایی راس نییە، وتیش: خاوەنداری ئەو زەۊیە ک خیزانە زەرەدمەنەیلە هانە ناوی هالە گیچەڵیگ یاسایی، ئەوەسە ک خەڵکەگە لەلی رازی نییە.
محەمەدی وتیش: ئەرا جەن نەوەیگە ئیمە لەیرا بۊیمنەخ و لە نەوەتەیلیش لەیرا بۊیمنە و هۊیچ وەرپرسیگ لە تاڵیبان ناچارمان نەکرد ماڵەیلمان وەجی بیلیمن.
خەڵک ئاوایە زەرەدمەنەیلە دووپات کردن ک تاڵیبان دانیشتگە ەەسنەیلە وە کەسەیلیگ تر لە پیشتون لە هەرێم ئۆروزغان ئاڵشت کەێد.
