تاڵیبان دەسنەێدە بان دوو ناوچە لە پەنجشیر ئەفغانستان
2021-09-04T08:29:02+00:00
شەفەق نیوز/ بزووتنەوی تاڵیبان، ئمڕوو شەممە، راگەیان دەسنایەنی وەبان دوو ناوچەی نوو لە ویلایەت پەنجشیر ک بویەسە لانەی وەرخودان دژوە تاڵیبان لە ئەفغانستان.
بیلال کەریمی قسەکەر وەناو بزووتنەوەگە وت: هێزەیل تاڵیبان پێشکەفتن گرنگیگ لە ویلایەت پەنجشیر کەفتە دەسیان وە توێنستن بڕەسنە ناوچەیل عەنابە و خەنج.
ویلایەت پەنجشیر، تەنیا ویلایەتیگە ک ئەندامەیل بزووتنەوەی تاڵیبان داگیری نەکردنە، ک لە ١٦ی ئاب گوزەیشتە ئامادەیی خوەی ئەرا وەرخودان چەکدارەیل تاڵیبان راگەیان، و ئەوەسا جەنگ گەورەیگ لەنوایان کەێد.
