"تايم" ته‌نيا سه‌ركرده‌يگ عه‌ره‌بى له كه‌سايه‌تى ئمساڵ گرته خوه‌ێ
شه‌فه‌ق نيوز/ گۆڤار "تايم" ئه‌مريكى، مير محه‌مه‌د بن سه‌لمان وه‌ليعه‌هد سعودى هه‌ڵوژانگه له‌ناو ليست كه‌سايه‌تى ئمساڵ 2018.
محه‌مه‌د بن سه‌لمان ناوى له سه‌ره‌تاى ليست كه‌سايه‌تيه‌يل سياسى بويه له كانديدكرياگه‌يل وه‌رده‌وام و كه‌فته‌سه نواى دۆناڵد تره‌مپ سه‌رۆك ئه‌مريكاو فلاديمير پوتين سه‌رۆك روسيا و ئه‌نگيلا مێركڵ راێژكار ئه‌ڵمانيا و ره‌جه‌ب ته‌يب ئه‌ردۆغان سه‌رۆك توركيا و كيم جه‌نگ ئون سه‌رۆك كۆرياى باكوور و جاير بولسونارو سه‌رۆك هه‌ڵوژرياگ به‌رازيل و جاستن ترودو سه‌رۆك وه‌زيره‌يل كه‌نه‌دا و سوزان كولينز سيناتۆر كۆمارى له‌بان ولايه‌ت مين ئه‌مريكى و مايك په‌مپيۆ وه‌زير خارجيه‌ى ئه‌مريكى و نانسى بيلوسى ديموكراسيخواز ناودار ئه‌مريكى و كه‌سايه‌تيه‌يل تر.
وه‌ل ئه‌وه‌يشا وه‌ليعه‌هد سعودى كه‌فته‌سه نواى شماره‌يگيش له پياوه‌يل كار ناودار و له‌وانه‌يش جيف بيزوس دامه‌زرنه‌ر ئه‌مازۆن و ئيلون تاسك دامه‌زرنه و وه‌ڕيه‌وبه‌ر كومپانياى سه‌ياره‌يل تيسلا و مارك زوكبيرغ دامه‌زرنه‌ر و وه‌ڕيه‌وبه‌ر فه‌يسبوك. ك ته‌نيا كه‌سايه‌تييگ عه‌ره‌بيه گۆڤاره‌گه هه‌ڵيوژانگه له توو ليسته‌يل ساڵانه‌ێ.
