تاوان کوشتن لەناو مەکتەویگ لە سلۆڤاکیا وەدەس کوڕیگ خوەنەوار

شەفەق نیوز/ کوڕیگ خوەنەوار لە تەمەن 18 وە چەقوو پەلامار دویەتیگ و خوەنەوار و خانمە مامووستایگ دا لەناو مەکتەویگ لە باکوور خوەرهەڵات سلۆڤاکیا.ئەو کەلەمە لەناو وانەی خوەنەواری لەناو مەکتەویگ لە شار سبیشکا ستارا فەیس نزیک سنوور وەرد پۆڵەندا بویر کە بڕ فرەیگ لە خوەنەوارەیل لەناو مەکتەوەگە بوینە، وەگورەی قسەی لوبومير سولاك سەرۆک پولیس.سولاك ئەرا رووژنامەنویسەیل وت: ئەو کوڕە کە خوەنەواریگ زیرەک وە چەقوو پەلامار ئەو دویەت و خانمە مامووستا داگە، و دویای یەک ساعەت لە دارستانیگ نزیگ پولیس دەسگیری کرد.ئەو کوڕە خانمە مامووستایگ لە تەمەن 51 ساڵە کوشت کە جینشین خانمە وەڕیەوبەر مەکتەو ناوەندیە، هەمیش دویەتیگ خوەنەوار لەتەمەن 18 کوشت.ماتۆس سوتاج وەزیر ناوخۆ کە رەسیە شوین رویداوەگە وت: دویەتیگ ترەک لە تەمەن 18 ساڵان زەخمدارە و ئەرا خەسەخانە بریا.تا ئیسە مدووەیل ئەو پەلامارە ئاشکرا نەکریاس.