تاوانبارکردن ئەندامیگ لە حزبوڵلا وە کوشتن رەفیق حەریری
شەفەق نیوز/ دادگای تایبەت وە لوبنان، سێشەممە، بڕیار تاوانبارکردن سەلیم عەیاش ''٥٦ ساڵان'' دا، ک ئەندامە لە حزبوڵلای لوبنانی، وە پەنج توومەت وەتاوان کوشتن رەفیق حەریری سەرۆک وەزیران وەرین، وسێ تاوانبار بیتاوان کریا.
لیست بانگەشەگە وتیاد ک عەیاش خوەی وەرپرس سەربازیە لە حزبوڵلا، فەرماندەی ئۆپراسیۆن کوشتنەگە بویە، و خوەی وەرپرس ئەو شانەس ک کووشتنەگە جیوەجیکرد، وخوەی بەشداریکرد لە جیوەجیکردنەگە.
دیڤید رای دادوەرەگە، فەرمانە تاوانباریەگە دژوە عەیاش خوەنستەو لە پەنج توومەت: '' پیلانناین لەکار تیرۆر، و وەجیهاوردن تاوان تیرۆستی وە تەقەمەنی، و کووشتن وەزانابوون رەفیق حەریری وەگەرد وەرینەی رک ورەوانگە، و کوشتن وەزانابوون ٢١ کەس و رەفیق حەریری، و تەقەلاداین ئەرا کووشتن ٢٢٦ کەس و کووشتن رەفیق حەریری''.
بڕیار دادگاگە ئەو تاوانبارەگان ''حسێن حەبیب مەرعی، هەسەن سەبڕا، حسێن حەسەن عنیس'' وەبی تاوان دانا لە گشت توومەتەگان.
