بیل گەیتس دووارە باس هەڕەشەی نوویگ لەبان مەردم کەێد
2023-02-20T14:11:09+00:00
شەفەق نیوز/ پەتای کۆڕۆنا ئاڵشتبوینیگ ریشەیی لە ژیان ملیاردێر جەهانی بیل گەیتس دروس کرد، ک پەتاگە و ئەو رەوشەیلە ک کەفتنە وەر گشت جەهان، کردنەی خاوەن جەماوەرییگ زیاتر، و بڕوای مەردم وە قسەیلی فرە زیاترەو بوی، ک بیل گەیتس بویە خاوەن ناویگ لە شیوەی مەزەنەکردن ئەو رویداوەیلە ک جەهان ئاڵشت کەن.
بیل گەیتس وەرجەیە هوشداری وە جەهان دا، لە پەتای گەورەیگ، ک هیشت مەردمەگە وە راسی گووش لەو هەڕەشە و هوشداریە ک ئی پیاوە لەباوەت رووژەیل بانان دەێد.
لەی دویاییە، بیل گەیتس ئەرا تووڕ بی بی سی وت: هەڕەشە سەرەکیەگە ک بایەتە جەهان لەلی نیگەران بوود، خوەی تیرۆر بایۆلۆژیە.
لە دیدارەگە وتیش: ئی هەڕەشە گەورەگە خوەی تیرۆر بایۆلۆژیە، ک وەڕاسی کاریگ دڵتەزنە، وتیش: وەرگریکردن لەنوای تیرۆر بایۆلۆژی کەمیگ سەختترە، چوینکە هەر کەسیگ بخوازێد جیوەجیی بکەێد، وە زیرەکی کەێدەی و خاسیش لە سیستەم وەرگری تو ئاگادارە.
ریخریاگ ناودەوڵەتی ئەرا پولیس تاوان، ک وە ئەنتەرپۆڵ ناسریاگە، وەگەرد بیل گەیتس لەی رخەیلە هاوڕاس، ک راپۆرتەیلیگ لەباوەت رخەیل تیرۆر بایۆلۆژی لەناوبەینیان وەیەک دان.
