بیل گیتس: ئامادەبوون ئەرا کارەساتیگ وەپەنج قات لەکۆڕۆنا خراوتر
شەفەق نیوز/ بیل گیتس، دامەزرێنەر کۆمپانیای ''ماێکڕۆسۆفت'' ، پێشبینی کرد ک جهان کەفێدە وەر قەیرانیگ کاریگەریەگانی لە قەیران کۆڕۆنا خراوتربوود.
بیل گیتس لە ماڵپەڕەگەی نووسان؛ چەنیگ پەتاگە رخبەر بوود، ئەوەسا ئاڵشبوین کەشوهەواگە لەوە خراوتر بوود.
گیتس بیشبینی کرد ک جهان لەی دەیان ساڵ نزیکە، بکەفێدە وەر قەیران گەورایگ لە ئاڵشتبوین کەشوهەوا، و ئاماژەدا ک رێژەی مردنەگان لەوەر ڤایڕۆس کۆڕۆنا رەسیە ١٤ مردن ئەرا گشت ١٠٠ هەزاریگ لە دانیشتوەیل، بەڵکم رێژەی مرنەگان لە وەر بەرزەوبوین پلەی گەرمی لەبان زەوی بوودە وەگورەی ئی ٤٠ ساڵ نزیکە، وە پەنج قات لەلی زیاترەو بوود وەهاتن ساڵ ٢١٠٠ .
گیتس بانگەواز کرد ئەرا نواگردن ئاڵشتبوین کەشوهەوا، وئاماژەدا وە گرنگی کەمەوکردن لەدەرچگن گاز، ک بوودە هووکار گیرهاتن گەرمی، و بایەسە داهێنانە زانستیەگان وەکارباێد ئەرا چەودیری کردن لەدەرچگن گاز.
و باس لە بڕوایی خوەی کرد ک دژایەتی ئاڵشتبوین کەشوهەوا بایەسە هەمیش لە دەوڵەتە ئەوزەڵبویەگان بکریەێد، و وەخت فرەیگ نیە نوای ئایەم و بایەسە گامەیلیگ زوینە دانەێد
