بیسەروشوینی ٢٠٠ کووچبەر لە زەریای ئەتڵەسی
2023-07-10T13:58:02+00:00
شەفەق نیوز/ پاسەوان سنوور ئیسپانیا، ئمڕوو دووشەممە، کلکردن فڕۆکەی مینەکردن ئەرا مینەکردن ٢٠٠ کووچبەر راگەیان، ک لە ناو بەلەمیگ بوینە لەناو زەریای ئەتڵەسی شوینیان دیار نییە، دویای ئەوە ک لە کناراوەیل سەنیگال هاتنە.
دەزگای هاناڕەسین ئیسپانیا "سالفامنتو ماريتيمو"، وت: فڕۆکەی رزگارکردن لە دوورگەی کەناری ئەرا مینەکردن ئەو بەلەمە کل کریا کە لە سەنیگال دەرچگە و ٢٠٠ کەس ها بانی.
وتنیش؛ کەشتیەیل بازرگانی لەو ناوچە وە رویداوەگە ئاگادار کریانە، و وەگورەی ریخریاگ "كاميناندو فرونتيراس" نا حکومەتی کە زانیاری لە پەیوەندیکردن وە کووچبەرەیل و کەسوکاریان تیارێد؛ ئەو بەلەمە لە شار کافونتین سەنیگال لە ٢٧ حوزەیران گوزەشتە دەرچگە.
دامەزریاگ ناحکومەتی هیلینا مالینۆ لە تووماریگ دەنگی وت: خیزانەیل ئاگادارمان وە بیسەروشوینی ئەو بەلەمە کردنە ک یە چەن رووژیگە خەوەر لەلیەو نییە.
