بەریتانیا بڕیار دەێد وەردەوام بوود لە پشتگیریکردن ئیسرائیل وە چەک
2024-04-10T08:10:55+00:00
شەفەق نیوز/ دەیڤید کامیرۆن وەزیر دەرەوەی بەریتانیا راگەیان؛ حکومەت وڵاتەگەی رەسیەسە ئەو ئەنجامە کە دروسە وەردەوام بوود لە دابینکردن چەک ئەرا ئیسرائیل، بانگەوازەیلی ئەرا وسانن ئەو هەناردەکردنە لە پشت تۆمەتبارکردن تاوانەیا غەززە ڕەتکردەو.
لە سەردانەگەی ئەرا واشنتۆن، کامیرۆن دووپات لەوە کرد کە “لەباوەت ئیسرائیل و یاسا مرۆییە ناودەوڵەتییەیل، و وەگورەی مەرجەیل سیستەم هەناردەکردن چەک لەلایەن شانشینی یەکگرتگ، لە دویاترین رێنماییەیل ئەرا رەوش غەززە و سەرکردایەتی ئیسرائیل لە هەڵمەتە سەربازییەگەید”.
وتیش؛ "دویاترین هەڵسەنگاندن هەڵوێست ئیمە لەباوەت مووڵەت هەناردەکردن جویر خوەی هیلیمنەو".
بەڵام لە کۆنگرەیگ رووژنامەوانی هاوبەش وەگەرد هاوتا ئەمریکییەگەی، ئەنتۆنی بلینکن، وت: “هیمان نیگەرانی گەورەیگ دیریمن لە رەسین دەسمیەتیە مرۆییەیل ئەرا غەززە.”
یەیش وە تایبەتی لە پشت کوشتن 3 بەریتانی، کەنەدی-ئەمریکی، پۆڵەندی، ئوسترالی و فەڵەستینی، لە سێ هەڵمەت ئیسرائیل هات کە کاروانیگ سەر وە ریخریاگ فریاگوزاری جەهانی ناوەندی کردە ئامانج، کە ئاگاد سوپای ئیسرائیل لە ری خوەی کردگە.
