بەرزەوبوین نرخ دۆلار لە بەغداد و هەولێر
2023-02-06T07:35:39+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو دووشەممە، لە بۆرسەی سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.
پەیامنێر ئاژانس شەفەق نیوز وت: نرخ ١٠٠ دۆلار ئەمریکی، لە بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٦٣٥٠٠ دینار عراقی.
شەوەکی دویەکە یەکشەممە، نرخ ١٠٠ دۆلار ئەمریکی رەسیە ١٦٣٣٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٥٠٠٠ دینار عراقی، و نرخ سەنینی رەسیە ١٦٢٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەو بوی، ک نرخ فرووشتن ١٠٠ دۆلار ئەمریکی رەسیە ١٦٦١٥٠ دینار عراقی.
