بەرزەوبوین شمارەی قوربانیەیل جەنگ سوەیدا ئەرا 248 کەس و ژاوەژاو رەسێدە حمس
شەفەق نيوز- دیمەشق
روانگەی ماف مرۆڤ سوریا، ئمڕوو چوارشەممە، بەرزەوبوین ئامار کوشیاگەیل لە جەنگ پارێزگای سوەیدا لە باشوور سوریا ئەرا 248 کەس راگەیان، لە یەکیگ لە تونترین رویوەڕویبوینەیل ناوچەگە بوی دویاییە.
دویەکە سێشەممە، ئەو روانگە خەوەردا لە بەرزەوبوین ئامار کوشیاگەیل لە جەنگ سوەیدا ئەرا 224 کەسێ لە وەختیگەو دەسوە کارەیل تونەڕەوی کریاس ناوەین باڵەیلیگ دورزی و چەکدارەیلیگ لە کووچەرەیل و هیزەیل حکومەتی لە پارێزگاگە.
لە پارێزگای حمس، روانگەگە خەوەردا کە شمارەیگ لە ئاوایەیل حمس خوەرئاوایی، لەناویان حەدیدە٨و بعییون و ناعسە و مشرفە، کەفتنەسە وریایی و هوشداری، دویای هەڵمەتیگ ئەمنی لەلایەن ئەندامەیلیگ لە ئاسایش گشتی و چەکدارەیلی، لە ناوچەیل تایفەی عەلەوی.
چالاکوانەیلیگ ئەرا ئەو روانگە لە سەرچەوەیلیگ ناوخوەیی وتن: خەڵک ئی ئاوایەیلە خانوو نەکردن و ماڵیان وڵ نەکردن لەڕخ دەسوەسەرکردن یا دەسگیرکردن یا کوشتن و بڕین لەبان تایفەیی و مەزهەوی، وتنیش: فرەی خەڵک ئەو ناوچەیلە فەرمانبەر حکومەتی بوینە یا لەناو سوپای وەرین سوریا بەینە و وە بڕیارەیلیگ مەزهەوی دەرکریانە.
وتنیش: رەوشەیل ژیانگوزەرانی لەو ئاوایەیلە وەشیوەیگ بیوینە سەختەو بوینە، کە مەردم ناچار کردگە پەنا وە گیای سروشتی بوەن ئەرا خواردن، لەوەر تەواوبوین خوەراکیەیل، و لەوەر ئەوە کە پویل نەیرن تا چشت لە بازاڕەیل بیسنن.
خەڵکەگە داوای لە حکومەت سوریا کردن دووارە بنووڕێد وە بڕیار دەرکردن فەرمانبەرەیل، و ساڵەیل خزمەتکردنیان بخەنە وەرچەو، وەگەرد سزادان تەنیا ئەو کەسەیلە کە دەسیان لەناو تاوانەیل بویە، نەک بیگوناهەیل.
