بڵاوکردن روبۆرت دەریایی ئەمریکی ئەرا نواگردن ئیران
2023-05-06T07:29:56+00:00
شەفەق نیوز/ ئەمریکا ئامادەکاری ئەرا بڵاوکردن روبۆرت دەریایی وەجویر بەلەم لە خوەرھەڵات ناوڕاس کەێد، ئەوەیش لە کڕەیل نواگردن هەڕەشەی ئیرانی لە شوینە گرنگەیل بازرگانی جەهانی لەناو ئاو.
ئەدمیراڵ براد کوبەر فەرماندەی هیزەیل دەریاوانی ئەمریکی و پەنجەم کاروان ئەمریکی و هیزەیل دەریاوانی هاوبەش لە ئاژانس بلۆمبیرگ وت: ئەمریکا خوازێد زیاتر لە ١٠٠ بەلەم دەیریایی وەجویر روبۆرت تا کۆتایی تاوسان ئەمساڵ بخەێدە کار.
وتیش: لە شوبات گوزەشتە ٥٠ روبۆرت دەریایی هاوریا، تا هاوبەشەیل ئەمریکی لەناوچەگە قویلەو بکەێد.
یەیش لە وەختیگ تیەێد ک ئیران لەی دویاییە کەشتییگ نەفتی دەسگیر کرد، هەمیش لەبان نیگەرانی ئەمریکا تیەێد لە فراوانکردن پەیوەندیەیل وڵات چین وەرد دەوڵەتەیل خەلیج.
