بڵاوبوین رخبەریگ لە بنچینەیل نوو کۆڕۆنا
![بڵاوبوین رخبەریگ لە بنچینەیل نوو کۆڕۆنا](https://media.shafaq.com/media/arcella/1611134390909.jpg)
شەفەق نیوز/ رێکخراو تەندروسی جهانی، ئمڕوو چوارشەممە، راگەیان چاپە ئاڵشتبویەگە لە ڤایڕۆس کۆڕۆنا ک یەکەم جار لە بەریتانیا دەرچگ، تا ئیسە لەناو ٦٠ دەوڵەت لەلای کەمەو درچکە، واتە زیاتر لە دە دەوڵەت لە هەفتەی گوزەیشتە.
رێکخراوەگە لە بەیاننامەی هەفتاتەی دەربارەی پەتاگە وت: چاپە ئاڵشتبویە دوویەمەگە ک یەکەم جار لە باشوور ئەفریقا دەرچگ، و مەزەنەس ک لە چاپە بەریتانیاییەگە گواستنەوەی فرەترە، ئەوەیش تا ئیسە لە ٢٣ دەوڵەت و ناوچە دەرچکە، و زیایەی ٣ لە ئەو ژمارە ک لە ١٢ی کانون دوویەم تۆمار کریا.
و ئاماژە کرد ک خوەی چەودیری بڵاوبوین دوو چین تر کەێد ک لە بەڕازیل دەرچگن، ک خوەیان «بی ١» لە ولایەت ئامازۆناس ئاشکرا کریاس و هەمیش لە لەلای ٤ کەس یابان لە بەڕازیلەو هاتوین، و ئاڵشتبوییک تر.
وتیش؛ ئیسە تەنیا کەمیگ لە زانیارییەگان ئەرا زانستن ئاست بڵاوبوین و مەترسی ئی دوو ئاڵشتبوینە لە ڤایڕۆسەگە هەس.