کۆبانی لەژیر هەڕەشە.. کوشیان مناڵیگ سوری وسەربازیگ تورک لە جەنگ نوویگ
شەفەق نیوز/ هیزەیل تورکیا و هیزەیل هەسەدە، ئمڕوو سێشەممە، گورزەیل سەختیگ لەیەک وەشانن، ئەوەیش لە ناوچەی کۆبانێ لە باکوور خوەرهەڵات سوریا، ک بویە هووکار کوشیان مناڵیگ سوری و سەربازیگ تورک، وهەردوگ لایەن دەسکردنە توومەت وەوکە، لەباوەت وەرپرسایەتی لە دەسکردن ئی جەنگە.
دەزگای تەندروسی لە ئیدارەی سەروەخوەی باکوور و خوەرهەڵات سوریا وت: گورزەگە بویە هووکار کوشیان مناڵیگ لەتەمەن ١٤ ساڵان، وزەخمداری سێ مەدەنی، مناڵیگ دوو ساڵان هاناویان.
لایەن تورکیا راگەیان کوشفن سەربازیگ تورک وزەخمداری جوارتر، لە پەلاماریگ لەلایەن پەکەکە و یەپەگە لەبان سنوور سووریا، لەناو زەوی تورکیا وەرانوەر کۆبانی.
خانمە پەیامنێر "الحرة" لە ئیستەنبول وت: پەلامارەگە وە گولەی هاوەن لەناوچەی کۆبانی لەبان بنکەی پۆلیس سنوور جیجیکالان لە بیریسیک بویە.
پەیامنێرەگە لە زوان ئەنجومەن جیوەجیکەر ئیدارەی سەروەخوەی هەرێم فورات وت: پەلامارەیل تورکیا وەردەوامیە لە رەفتار دوژمنایەتیی ئەرا رخبردن خەڵکەگە وبارکردنیان وچووڵکردن ناوچەگە.
ئەنجومەنەگە وەرپرسایەگی ئەو گورزە خستە بان رووسیا و دەوڵەتەیل هاوپەیمانی چوینکە پەیمان ٢٣ مقەیەتیکردن باکوور و خوەرهەڵات سوریا لە پەلامارەیل تورکیا دانە.
پەیامنێر "الحرة" وتیش: سوپای تورکیا پەلامر ئاوایەیل گوزەلیە، و تەل لبەن وئومل خێر و تول تەویل ئاشووری و سەلماسە وئاوای تەویلە دان.
ئەو تووپوارانە رەسیە کۆبانی و دەورگردی، و وەشەو دەسوەپی کرد و شەوەکی سێشەممە زیایەو بوی.
