باربادۆس بۊیە نووترین کۆمارەیل جەهان
2021-11-30T13:45:56+00:00
شەفەق نیوز/ وڵات باربادۆس، وەفەرمی راگەیان جیابۊینی لە دەسەڵات بەریتانیا، و بۊیە کۆماریگ، تا بوودە نووترین کۆمار لە جەهان.
وڵاتەگە لە دەسەڵات شاهی واز هاورد، ک لەوەلا شاژن ئێلیزابێت دۊیەم سەر رژیم سیاسی وڵاتەگە نییە.
وە ئاهەنگیگ لە بريدجتاون پایتەخت، ساندرا مايسون دانریا، تا ئەو خانمە بوودە یەکم سەرۆک کۆمارە نووەگە.
شازادە چارڵز لە ئاهەنگەگە ئامادە بۊی، ک وەگەرد پەنجا و پەنجەم ساڵیاد سەروەخوەیی دوورگەگە هاووەخت بۊی.
