“ئاگریگ گەورە لە جادەی حەمرا لە بەیروت ماشینەیل سزنێد.. ڤیدیۆ
شەفەق نیوز/ لە ناوچەی حەمرا لە بەیرووت پایتەخت لوبنان، ئاگریگ گەورە لە مۆلیدەیگ کارەبا لە جی وسیان ماشینەیل هیز گرد.
ئاژانس خەوەری نیشتیمانی بڵاو کرد کە ئاگرەگە دەیان ماشین وسیاگ لە شوینەگە سزان کە بەشیان تەقیانە و دویکەڵ لە ناوچەیل دویریگ لە بەیروت دیار دا.
تیمەیل ئاگرکپەوکردن و وەرگری شارستانی رەسینە شوین ئاگرەگە، لەورا کار ئەرا کپەوکردن ئاگرەگە کردن، کە ئەو ئەرکە سەخت بوی.
میدیایل لوبنان بڵاو کردن کە لەوەر هەڵسیان دویکەڵ لە ئاگرە فراوانەگەی ناوچەی حەمرا، تاسیان بویە.
وەگورەی میدیایل، لە ئاگرەگەی حەمرا زیانیگ وەرچەو بویە، یەکیگ لە باڵەخانەیل وە تەواوی سزیا.
لەوەر ئاگرەگە فرە لە ماشینەیل ناو گەراجەگە لەناوچگن، تیمەیل ئاگرکپەوکردن و ماشینەیل وەرگری شارستانی دەسوەجی رەسینە شوین رویداوەگە.
وەگورەی میدیایل لوبنان، ئاگرەگە رخ و زیڕە خشتە ناو دانیشتگەیل باڵەخانەیل نزیک، یەیش لە وەختیگ کە تەقەلای ڕزگارکردن دانیشتگەیل دریەێد.
یەکیگ لە هاوڵاتیەیل مەوقەی تەقەلای ئەرا داوەزین لە پاچینەیل فریاگوزاری تا لە ئاگرەگە قورتار بوود، لە باڵکۆن باڵەخانەگەو کەفتە خوار، بەڵام وەشیوەی ئەڵاجەوییگ ڕزگار بوی، هەناێ کەفتە خوارەو وەبی ئەوەگ زیانیگ وەپی بڕەسێد چوینکە دەس وە پەتیگ گردوێد ئیجا کەفتە خوارەو، و ئەندامەیل وەرگری شارستانی لەبان زەوی چەوەڕیی بوین.
وەڕێوەبەر گشتی وەرگری شارستانی، ڕیمۆند خەتار لە بەیاننامەیگ راگەیان کە زیانەیل فرە گەورە بوین، “بەڵام توەنستیمن ئاگرەگە کۆنتڕۆڵ بکەیەن و کارمەندەیلمان لەناو باڵەخانە سزیاگە جیگیر کریان تا دڵنیابون لە بیوەیی گشت لاییگ”.
وتیش: "کارکەیمن تا دانیشتگەیل ئەو باڵەخانەیل شان ئاگرەگە دویرەە بخەیمن و بینایلە بیەیمنە دەس هیزە ئەمنییەیل".
ژوور کۆنتڕۆڵ هاتوچو دویای ئەوەگ ئاگر لە دەورگرد جادەی حەمرا هیز گردر لادان هامشوو ئەرلدا ریەیلیگ ترەک ڕاگەیان.
لە پەیوەندییگ تەلەفۆنی وەگەرد وەڕێوەبەر گشتی وەرگری شارستانی، عەمید ڕەیمۆند خەتار، وەزیر ناوخۆ و شارەوانی، دادوەر بەسام مەولەوی، وەدویاچگن ئەرا ئەو تەقەلایلە کرد کە لەلایەن کارمەنەیل وەرگری شارستانییەو ئەرا کپەوکردن ئاگرەگە گەراجیگ ماشین حەمرا لە ئەنجام سزیان مۆلیدەی کارەبا، و رینمایی دا بۆ تا زویوەزوی ئاگرەگە کپەو بکەن و رخداری هیزگردنی لەو ماشین و باڵەخانەیل نزیک لاوەێد.
مەولەوی سوپاس لە گشت تیمەیل ئاگرکپوکردن و ئەو هاوڵاتیەیلە کرد کە رەسینە هانا و تەقەلا.
