پەیاکردن زیاتر لە ٣٦٠ کووچبەر لە شوینیگ نهێنی باشوور مەکسیک
![پەیاکردن زیاتر لە ٣٦٠ کووچبەر لە شوینیگ نهێنی باشوور مەکسیک](https://media.shafaq.com/media/arcella/1668840040995.png)
شەفەق نیوز/ سوپای نیشتمانی مەکسیک، ٣٦٨ کووچبەر پەیا کرد، ک لەناو سەربازگەیگ نهێنی لە کوێەیل ویلایەت چیاباس وەجی هیلیانە.
سەربازگەگە لە دووڵیگ نزیک چوم جریجالفا پەیا کریا، و گەورە و زاڕوو لە گواتیمالا و نیکاراگوا و ئیکوادۆر و هیندۆراس و سیلفادۆر و کوبا لەناوی بوینە.
ئاو و دەرمان دریا ئەو کووچبەرەیلە، و بریانە بنکەیل چەودیاری لە بان سنوورەگە لە چیاباس تا دەسمیەتی قونسوڵخانە و دیاریکردن رەوش یاسایی بکریەێد.
هەرلە تەشرین ٢٠٢١، نزیکەی یەک و نیم مەلیۆن کووچبەر وەشیوەیگ نا یاسایی چینە ناو ئەمریکا، ئەوەیش وەگورەی بەیاننامەی گومرگ و باسەوان سنوور مەکسیک، و یە دویەم ساڵە ک ئیدارەی بايدن ئی شمارەیل پەیمانەییە لەبان سنوور باشوور توومار بکەێد، وەبی وەسیان تەکان کووچبەرەیل.