پەیاکردن روفات ٧٦ مناڵ لە پیرۆ کریانەسە قوربانی ئاینی
شەفەق نیوز/ لە پیرۆ، قەورسان ٧٦ مناڵ واز کریا، ک وەرجە ١٠٠٠ ساڵ لەناو رسوومەیل ئاینی لەلایەن شارستانیەت چیمۆ لە سەردەم وەرجە کۆلومبی کریانەسە قوربانی.
وەرجەیە سوخان مناڵەیلیگ لەو ناوچە پەیا کریایە، تا ئیسە کەفتنە چاڵکەنین و مینەکردن.
لویس فلۆریس زانیای شوینەواری ئەرا ئاژانس فرانس پڕس وت: ٧٦ قەور پەیا کردیمنە، روفات زاڕووەیلیگ هاناویان کریانەسە قوربانی.
ئەو مناڵەیلە لە تەمەن ٦ تا ١٥ ساڵان لە دوو مەیدان بویچگ لە ناوچەی بامبا لا کروس نزیک شار تروخیۆ لە باکوور لیمای پایتەخت روفاتیان پەیا کریا.
وەرجەیە، لە ساڵەیل ٢٠١٦ و ٢٠١٩ روفات ٢٤٠ مناڵ پەیا کریا، ک لەلایەن کۆمەڵگەی چیمۆ کریانەسە قوربانی، ک لە ساڵەیل ٩٠٠ و ١٤٥٠ لە کناراو پیرۆ بوینە.
لویس فلۆریس وت: سەرسام بویمن هەنای وە قویلی ١٠ تا ٢٠ سانتیمەتر چاڵ کەندیمن و سوخانەیل فرەیگ پەیا کردیمن، و دیاری کرد ک سینەی مناڵەیل لەبان تا خوار واز کریاگە تا دڵیان درارن.
وتیش: هاتێ ئەو مەوقە واران کەم بویە یا هشکەساڵی بویە یا جەنگ بویە و ئی مناڵەیلە جویر قوربانی ئاینی پیشکەش کریانە.
لەناو ئەو روفاتەیلە، سوخان پەنج دویەت پەیا کریا جویر خڕیگ وەرانوەر یەکتر نیشتنە.
