پاپا فرانسیس خاستربوین تەندروسیی نیشان دەێد و پەیوەندی وە قەشەی پەرستگای غەززە کەێد
شەفەق نیوز/ رووژ دووشەممە، پاپا فرانسیس "کەمیگ خاستربوین"ی لە ئەنجام وەشکین تاقیگەیی نیشان دا، دویای ئەوە تەندروسیی بەدەو بوی، و دەسکردە بەشیگ لە ئەرکەیلی، لەوانە پەیوەندی وەرد پیاویگ ئایینی مەسیحی لە کەرت غەززە، وەگورەی راگەیانن ڤاتیکان.
وەگورەی ئاژانس ئەسۆشێتد پرێس، خەوەرەیل ئیواران ڤاتیکان لە جاران گەشبینانەتر بویە، چوینکە پاپای تەمەن ٨٨ ساڵ لە خەسەخانەی گێمێلی لە ڕۆما زیان لە هەوکردن هەردوگ سویە دیرێد.
ئەو خەوەرە لەلایەن سەرکردایەتی وەرپرسی دوو
یەم لە ڤاتیکان ئەرا دڵسووزەیل دەرچگ، لە نا خوەنستن خەوەرەیل ئیوارەی نماز “تەسبیح شاهانە” لە گۆڕەپان سانت پیتەر، لە دیمەنیگ کە ئەو رسوومەیلە هاوردە وەرچەو کە هەناێ سانت یۆحەنا پۆڵس دویەم لەبان جی مردنی بوی، ئەنجام دریا.
کاردیناڵ پیترۆ پارۆلین وتاربگ پیشکەش وەو خەڵکە کرد کە لەژیر واران گردەو بوین و وت: “ماوەی دوو هەزار ساڵە مەسیحییەیل نزا ئەرا پاپا کەن هەناێ رخداری لەبانیان بوود یا بیمار بوون”.
لەبان خود ئەو سەکووە کە هەمیشە فرانسیس لە نماز لەبانی وسێد، باس ئەوە کرد کە لە وەختیگەو پاپا چگەسە خەسەخانە، دەنگ دوعاکردن ئەرا خاسەوبوینی لە گشت جەهانەو هاتیە.
پاپای ئەرجەنتین کە لە تەمەن گەنجی بەشیگ لە یەکیگ لە سویەیلی دراوریا، لە ١٤ی شوباتەو لە خەسەخانە خەفتیەر پزیشکەیل تەندروسی وە رخدار باس کەن، وە لەوەرچەوگردن تەمەنی و لاوازی لەشی و بیماری درویژماوەی سویە کە وەدەسی ناڵێد.
بەڵام لە ڕاپۆرتەگەی رووژ دووشەممە، باس ئەوە کریاس کە لە رووژ شەممەو تویش هویچ قەیرانیگ هەناسەدان زیای نەهاتیە، و هیمان ئۆکسجین تەواوکەر وەرگرێد، بەڵام وەشیوەیگ کەمتر.
پزیشکەیل ئاشکرا کردن کە ئەو شکست کەمە لە گورچیگی کە رووژ یەکشەممە پەیا کریا، ئیرنگە نیگەرانی نەیرێد، و دووپات کردن کە دەسنیشانکردن گشتی هیمان وە وریایی دەورە دریاس.
فرانسیس شەوەکی رووژ دووشەممە، قوربان پیرووز وەرگرد و دویای نیمەڕو دەسوە کارەیلی کرد.
لە بەیاننامەیگ باس کریا کە “ئیوارە تەلەفۆن ئەرا قەشەی پەرستگای غەززە کردگە ئەرا نشاندان نزیکایەتی باوگانەی خوەی”.
زیاتر لە ساڵیگە پاپا فرانسیس رووژانە وە پەیوەندییە ڤیدیۆییەگانەو هەواڵ پاپا گابرێل ڕۆمانێلی، قەشەی پەرستگای بنەماڵەی پیرووز لە غەززە پرسێد.
ڕۆمانێلی ئاشکرا کرد کە ڕاستەوخۆ دویای چگنی ئەرا خەسەخانە پەیوەندییگ لە فرانسیسەو وەپی رەسیە، بەڵام لەو وەختەو پەیوەندی وەپی نەکردگە.
