ئایا خاسەوبویەگان لە کۆڕونا واکسین خوازن؟
شەفەق نیوز/ دکتۆر دمیتڕی قستەنتینۆف، وەرپرس بەش بیماریە پەتاییەگان لە زانکۆی سامارای پزشکی، راگەیان فرە کەس تووش کۆڤید-١٩ هاتن و خاسەوبوین، لەلیان کاریگەریەیل بیماریەگە داشتن، و لەلیان نەیاشتن.
دکتۆرەگە لە چەوپێکەفتنیگ وەگەرد کەناڵ تەلەفزیۆنی رووسیا ٢٤ وت: هەڵبەت بایەدە بزانیمن ئایا وەرگری لەلای ئەو کەسە پەیا بوی یا نە، ئەگەر هەسەی، خو واکسین نێخوازێد.
و لە وەڵامیگ لە ئایا ئەو کەسە ک وەرگری دیرێد زیانی دەێد یا نە، ئووشێد: زیانی نیەێد و خاسیشەو نێەوود، بەڵکم بایەدە بزانیمن ئەگەر وەرگری پەیا کردگە وەرگردن تاقەبەش وەرگری کاریگەری ئاشکرایگ دروس کەێد، ئاماژە وە وەڵامداین سیستەم وەرگری دەێد.
دکتۆرەگە هاوڕا نەوی وەگەرد ئەو قسە ک باس مەنین لەشە وەرگریەگان تەنیا تا ماوەی سێ مانگ کەن، چوونکە بەرهەم کردنی پەیوەندی وە سەختی بیماریەگە نییە، وهەمیش بەرهەم کردن بڕیگ لە لەشە وەرگریەگان و ماوەی مەنینی لە لەشەگە هەمیشە پشت وە ڤایرۆسەگە نێوەسێد.
و ئووشێد: کەفتیمنە وەر ئی پەتا، و چەودیری لەشە وەرگریەگان کەیمن، ئەراوە توێنم بووشم ک تا ماوەی هەیشا مانگ لەناو لەش کیتێدەی وەبی کەمکردن ژمارەگەی.
پسپۆرەگە تەمەی گشت خاسەوبویەگان کەێد، هەر سێ مانگ یەک جار تاقیکردنەوەی لەشە وەرگریەگان بکەن.
