ئاوڵەی مەیمون نیویۆرک خستە ئامادەباشی

شەفەق نیوز/ خانمە حاکم ویلایەت نیویۆرک کاسی هوکول، ئمڕوو شەممە، ئامادەباشی لە ویلایەتەگە راگەیان،  لەوەر بڵاوبوین ئاوڵەی مەیمون.    

یەیش دویای یەک رووژ لە راگەیانن نوینەر تەندروسی ویلایەت نیویۆرک لەوە ک ئاوڵەی مەیمون هەڕەشەی نزیکیگە ئەرا تەندروسی گشتی. 

هوکول لە بەیاننامیگ وت: ئامادەباشی لە ویلایەتەگە راگەینم ئەرا پاڵپشتیکردن تەقەلای وەردەواممان ئەرا نواگردن بڵاوبوین بیماری ئاوڵەی مەیمون، وتیش تا هەمیش زویتر جویلە بکریەێد و خاستریش واکسین بەشەو بوود.  

وتیش: ویلایەتەگە بویەسە گەورەترین لانەی بڵاوبوین ڤایرۆسەگە، و هەر لە چوار تویشهاتن وەی بیماریە زیاتر لە یەکیگیان کەفتیەسە بەش ویلایەت نیویۆرک.