ئاشکراکردن هەڵڤوڵان مەترسیداریگ لە کۆڕۆنا لەناو ١٣ دەوڵەت
شەفەق نیوز/ ماڵپەڕ «ئۆپسێرڤەر» خەوەر لە ئاشکراکردن هەلقوڵان سێیەمیگ لە ڤایڕۆس کۆڕۆنا لە ناو ١٣ دەوڵەت دا، ک بویە نیگەرانی زاناگان و پسپۆڕەیل تەندروسی.
ئی سێیەم هەڵقوڵانە ناو E484K هەڵگردگە، وەگورەی ئەوەگ تۆژینەوەکارەیلیگ لە زانکۆی ئیدنبڕە لە ئوسکوتڵاندا ئاشکرای کردنە، و مەزنە کەن ک فرەتر مەترسیدار بوود، چوونکە هیلێد ڤایڕۆسەگە قورتاری لە لەشە وەرگریەگان بوود ک لەو واکسینەیلە دروس بوون ک ئیسە هانە وەردەس.
ئاڵشتبویە نووەگە لە ١٣ دەوڵەت و ٥ کیشوەر پەیا کریا، واتە ک خوەی ئەرا ماوەیگ وەرجە ئاشکراکردنی بڵاو بویە.
ئەو دەوڵەتەیلە خوەیان: ئەمریکا و کەنەدا و دەنیمارک و بەریتانیا و فەڕەنسا و بەلجیکا و ئیسپانیا و فینلاندە و نەیجیریا و گانا و ئوردن و ئوسترالیا و سەنگافورە.
تۆێژینەوەکارەگان مەزەنە کەن ک یەکەم نموونە لە هەڵقوڵانە نووەگە چوودەو ئەرا ١٥ی کانون یەکەم لە ساڵ گوزەیشتە.
