ئاسایش رووسیا شکست وە پەلاماریگ "تیرۆری" وەبان خوەنەوارەیل سەربازی لە مۆسکۆ تیەرێد

شەفەق نيوز/ دەزگای ئاسایش فیدڕاڵی رووسیا، ئمڕوو جمعە، خەوەردا لە پویچەڵکردن پلانیگ تیرۆری وەبان خوەنەوارەیلیگ سەربازی لە مۆسکۆی پایتەخت.

دەزگاگە لە بەیاننامەیگ وت: ئەو پەلامار تیرۆریە وە پلان دەزگایەیل هەواڵگری ئۆکرانیا بویە، و ماڵ خوەنەوارەیل سەربازی لە کەرت مۆسکۆ کردیەسە ئامانج، و یەک سەرباز رووسی دەسگیر کریا کە بەشداری لە ئامادەکردن کردیە.

  وتیش: ئەو سەربازە لە وەزارەت وەرگری رووسیا دەسگیر کریا، کە دەزگایەیل هەواڵگری ئۆکرانیا خستیەسەی کار، کە دەسی لەناو ئامادەکاری ئەرا پەلاماریگ تیرۆری بویە.