کارەساتیگ دەێد لە ئوسترالیا: لافاو مێژوویی گیان کەسەیلیگ سینێد و هەزارانیش گیر تیارێد

شەفەق نیوز/ کەناراوەیل خوەرهەڵات ئوسترالیا کارەساتیگ سروشتی بیوینە وەخوەی دی، لە وەختیگ 

 لافاو تونیگ ویلایەت نیو ساوس وێڵز گردەو، لەلای کەمەو چوار کەس کوشت و کەسیگ ترەک بیسەروشوین کرد و دەیان هەزار کەسیش گیرهاورد لەوەختیگ هوشدارییکردن لە وەردەوامی رخدارەیل هەس هەرچەن واران کەمەو بویە.

وارانبارین رفت کە ئەرا چەن رووژیگ وەردەوام بوی، گشت چەوەڕییگ رەد کرد و ناوچە فراوانەیل خستە ژیر ئاو، ەەتایبەتی لە ناوچەیل باکوور ویلایەتەگە. دویای ئەوەگ ئاو لافاو ناوچەیلیگ پووشی و ری و پیەڵەیل بڕی، زیاتر لە ٥٠ هەزار کەس لە جیهان دەیشتەو بڕی.

لە شمارەیگ تاریک کە دەسەڵاتدارەیل راگەیانن، لە رووژ چوارشەممەو چوار تەرم پەیا کریاس، کە هن ئەو قوربانیەیلە کە وە ماسینەو لافاو بردیەسەیان، یا ماڵەیلیان وە تەواوی نقوم بوینە، دوایین قوربانی پیاییگ گەورە تەمەن بوی کە وەرجە پەیاکردن ماشینەگەی، کە لەوەر ئاو نزیک بەندەر کۆفسەو چوێد بیسەروشوین بویە.

مینەکردن پیاییگ تەمەن 49 ساڵ وەردەوامە کە دوایین جار لە نزیک ریەیل لافاوی ناوچەی نیمبودا دیار بویە، رخ ئەوە هەس کە ئەویش مردوێد.

وەگەرد جویلەی سیستەم پەستان نزم وەرەو پەراویز شار سیدنی، وەرپرسەیل هوشداری دان لەوە کە ئەگەر هەس ئاس ئاو دووارە بەرزەو بوود لە ئەنجام لافاو وەرەو ناو گوڵەم و چەمەیل لە ناوچە زیانلیکەفتگەیل.

سەرۆکوەزیرەیل ئوسترالیا ئەنتۆنی ئەلبانیز و سەرۆکوەزیرەیل نیو ساوس وێڵز کریستوفر مینس سەردان ناوچە کارەساتەبارەیل کرد و لەورا دەسخوەشی ئازایی کارمەنەیل فریاگوزاری و خوەیبەخشەیل کردن، لە ماوەی قەیرانەگە ٦٧٨ کەس لە خنکیان رزگارکریان، کە ١٧٧ کەسیان تەنیا لە ماوەی ٢٤ ساعەت بوی.

لە مایتلاند، مینس وا: "یە لایەن گەشاوەی مرۆڤایەتی لە تاریکترین رەوشەیل نشان دەێد، ئەگەر تەقەلای خوەیبەخشەیل نەویاتاد، ئی کارەساتە ئەوەنەی ترەک وە ئازارتر بویاد".

هەرچەن ئاوەگە دەسکردە داوەزیان و راپۆرتەیل کەمەو بوین، بەڵام دەسەڵاتدارەیل دووپات کەن کە ری ژیان ئاسایی وەخت خوازێد، وەتایبەتی وە لەوەرچەوگردن زیانەیل ژیرخانی فرەیگ لە ناوچە ئاوایەیل، کە زەوی لەرزین و لافاو کڕەیل پەیوەندی ناوەین ئاوایەیل بڕیە.