کابرایگ ئەفغانی مناڵەیلی ئەرا فرووشتن دانەێد
![کابرایگ ئەفغانی مناڵەیلی ئەرا فرووشتن دانەێد](https://media.shafaq.com/media/arcella/1643459936980.jpg)
شەفەق نیوز/ ئاژانس خەوەری ئەفغانستان "راها پڕیس" باس کرد ک پیاویگ لە کابوڵ پارچە ڤیدیۆیگ ئەرای کل کردگە لەناوی ئۊشێد ناچار بۊیە لەوەر نەداری چوار مناڵەگەی ئەرا فرووشتن دانەێد.
وەگورەی ئاژانسەگە، ئەو پیاوە ک خوەی وە خەڵک ناوچەی قەندوز ناسان، ئۊشێد: یە چەن ساڵە لە کابوڵ رەنج دەێد و تیکە نانەگەی دەرکەێد، باوجی یە چەن مانگیگە لەوەخت شیواشیوەیل سیاسی دۊیایین بیکارە، و زیان لە ژان پشت و بیماری وەخوەی دۊنێد، و کەسیگ لە کابوڵ نەیرێد تا دەسمیەتیی بەێد.
وتیش: یە چەن شەویگە مناڵە بۊچکەیلی هۊچ نەخواردنە، و گشت تەقەلایلی ئەر تیکەنانەگە شکت هاوردن.