کابرایگ ئیرانی ژنەگەی خوەی لەبان چای سەرد کوشێد

شەفەق نیوز/ ئەو پیاو دڕندە ک لەوەر سەردبوین چایی بەنزین کردە بان ژنەگەی، و وە زینگی سزانەی، لە دادگای تاوانیل پارێزگای تەهران دادگایی کریا. 

دۆسیەی ئی ژن چارە سیا وەرجە ساڵیگ توومارکریایە، پۆلیس ک لە راپۆرت ئاسایش خەسەخانەگە ئاگادار کریایە، لیپرسین وەگەرد ئەو خانمە گەنجە وە ناو "لیدا" کرد.

ژنەگە لە ناو لێکۆلینەوە وە پۆلیس وتیە، شویەگەی بەنزین رشانیەسە بانی و دویای ئەوە ئاگری دایە، لەدویای چەن ساعەتیگ لە وتیەل ژنە گەنجەگە لەوەر سەختی رێژەی سزیانەگەی گیان لە دەسدایە. 

ئی پیاوە جویر ناڕەزاییگ لە وەرانوەر سەردی چایەگەی ژنەگەی سزانیە، باوجی دویتەگەی رازی نییە وە لە سێدارەدان باوگی.