یابان یەکەم وەسێدارەدان لەی ساڵە جیوەجی کەێد لەبان کابرایگ بڕیگ کەس وەیەکەو کوشتیە
![یابان یەکەم وەسێدارەدان لەی ساڵە جیوەجی کەێد لەبان کابرایگ بڕیگ کەس وەیەکەو کوشتیە](https://media.shafaq.com/media/arcella/1658820844811.jpg)
شەفەق نیوز/ میدیایل راگەیانن یابان، ئمڕوو سێشەممە، ئاشکرای جیوەجیکردن فەرمان وەسێدارەدان لەلاێەن دەسەڵاتەیل کردن، لەبان پیاویگ تاوانبار وە کوشتن هەفت کەس وە کۆمەڵی لە ساڵ ٢٠٠٨، و یەیشە یەکەم وەسێدارەدانە لەی ساڵە لە یابان، و بانگەشەی گشتی وتیش: ئەو بکوشە یارەگەی هیشتیەسەی جیەو.
"توموهيرو كاتو" لە ساڵ ٢٠٠٨، ماشینیگ بارهەڵگر رانیە ک کیشەگەی رەسێدە دوو تەن، و کردیەسە ناو بڕیگ مەردم لەناوچەیگ جەماوەری ک بازاڕ بازی ڤیدیۆ و گوڤار و وینەکێشان و فرووشتن ئەلیکترۆنی لەناوچەی (ئەکێهبارا) لەناوڕاس تۆکیۆ.
کاتو وەگەرد ئەوە ک وەو ماشینە بڕیگ لە مەردمەگە تلان، هەمیش لەناو ماشینەگەی داوەزی و ئێجا وەچەقوو داپە مەردمەگە، و ئیجا روی وەرەو پۆلیس کردیە و وتیە" هاتمەسە ئەکیهابارا تا مەردم بکوشم، تا دەسوەسەری کریا.