ئەمریکا ئامادەی هێزەیلی کەێد لە ئەگەریگ ئەرا روی وڕوبوین چین
شەفەق نیوز/ مارک ئیسپر وەزیر وەرگری ئەمریکا راگەیان؛ وڵاتەگەی هێزەیلی وەرەو ئاسیا ئامادە کەێد ئەرا ئەگەر روی وڕوبوینیگ وەگەرد چین.
رۆژنامەی ''ووڵ ستڕیت جوڕناڵ'' قسەگەی ئیسپر نووساد ک دویەکە لە بینتاگۆن وە ڤیدیۆ ئاڕاستەی کرد ئەرا پەیمانگەی ناودەوڵەتی ئەرا توێژینەوە ستڕاتیژیەگان ک بارەگای هالە لەندەن، وت: ئەمریکا ئەوەسا ئامادەی هێزەیلی کەێد لە گشت شوونەگان ئاسیا و دووارە سەنگەرەیلی جیواز کەێد لە ئامادەبوین ئەرا ئەگەریگ لە روی وڕوبوین چین.
رۆژنامەگە وتارەگان وەزیر وەرگری ئەمریکا پێشکەش کرد و ئاماژەدا ک وتارەگە ''کوڵبڕ پێکهاتە سەربازیەگە کەێد ئەرا هەڵوێست توند تڕامپ وەرانوەر پەکین'' و ئاماژەدا؛ ئیسپر جەختکرد ک وڵاتەگەی وەردەوامبوود لە رەوانەکردن گەشتیەیل جەنگی وەرەو ناوچەگە، ئەرا نواگردن سیاسەتەیل فراوانکەر چین، و فرووشتن چەک ئەرا تایوان، ک پەکین داوای سەروەری لەبانی کەێد.
