ئيران مووشهكيگ باليستى تاقيهو كرد و ئهمريكا ئاشكراى كرد
![ئيران مووشهكيگ باليستى تاقيهو كرد و ئهمريكا ئاشكراى كرد](https://media.shafaq.com/media/archive/files/KURDISH/c7c.jpg)
شهفهق نيوز/ مايك پهمپيۆ وهزير خارجيهى ئهمريكا بهياننامهيگ دهركرد و لهتى ئاشكراى ئهوه كرد ئيران وهى تازه مووشهكيگ باليستى نيمچه ماوه تاقيهو كردگهو تواناى ههڵگرتن سهرهيل جياجياى جهنگێ ديرێد.
پهمپيۆ وت: ئهو مووشهكه بواريگ ديرێد ك رێ وهپى ئهياد بيهێد له بهشيگ له ئۆرپا و له ههر شوونيگ له خوهرههڵات ناوين و باس لهوهيش كرد ك تاقيكردنهوهى ئهو مووشهكه وه چهواشهى بڕيار ئهمنى شماره2231 بويه ك لهلايهن ئهميندار گشتى نهتهوهيل يهكگرتگهو دهرچيه.
بهياننامهگهى پهمپيۆ ههميش وت: ئيمه زويتر وشدارێ دايمنه ك تاقيكرنهوهيل مووشهكى ئيران و بڵاوبوينهوهى قازيفهيلى زيائي ئهكاو يهيش گرژى زياتر له ناوچهگه پهيا ئهكا ئهگهر ئيمه شكهست باريم له جواودانهوهى.