ئه‌گه‌ره‌يل په‌لامار كۆرياى باكوور جموجويل خسته هيز سه‌ربازى ئه‌مريكى
2017-12-03T09:26:00+00:00
شه‌فه‌ق نيوز/ ئاژانس ئه‌مريكى وه‌رپرس له‌بان مقه‌يه‌تيكرن وڵات له په‌لاماره‌يل مووشه‌كى، ئه‌وه ده‌رخست ك روى له ناوچه‌يليگ له ديم خوه‌رئاوا كرياگه ئه‌را بڵاوكردنه‌وه‌ى سيستم وه‌رگرى دژه مووشه‌ك، ئه‌ويش دوياى تاقيكردنه مووشه‌كيه‌گه‌ێ كۆرياى باكوور ك مه‌ترسى له‌لاى وڵاته‌يل يه‌كگرتگ په‌يا كردكه ئه‌را ئه‌گه‌ره‌يل په‌لامارداين.
له‌ى باوه‌ته‌و، روێته‌رز وت: سيستمه‌يل مووشه‌ك له ديم خوه‌رئاوا پيكهاتگه له سيستم "ساد" دژه مووشه‌ك باليستى و هاوشێوه‌يلى له كۆرياى باشوور ئه‌را مقه‌يه‌تيكردن له هه‌ر په‌لاماره‌يليگ ئه‌گه‌ركرياێ ك شايه‌ت له‌لايه‌ن كۆرياى باكووره‌و ئه‌نجام بدريه‌ێد.
جى باسه، نيكى هايلى باڵوێز ئه‌مريكى له نه‌ته‌وه‌يل يه‌كگرتگ وشدارى ئه‌وه داو وت: كۆريا باكوور وه ته‌مامى وێران ئه‌دێ له حاڵه‌تيگ ئه‌گه‌ر جه‌نگ به‌رپا بكا.
