ئهمريكا چهك وهرگرى ئهفرووشێده كوهيت و سعوديه
![ئهمريكا چهك وهرگرى ئهفرووشێده كوهيت و سعوديه](https://media.shafaq.com/media/archive/files/mmn5.jpg)
شهفهق نيوز/ وزارهت وهرگرى ئهمريكى "پنتاگۆن" ئاشكراى ئهوه كرد ك وڵاتهيل يهكگرتگ تهقهمهنيهيل وهرگرى وه بڕ نزيكهى يهك مليار دۆلار ئهفرووشێده كوهيت و سعوديه، ك يهيش 10 باڵۆن چهوديرى ئهگرێده خوهى ئهرا رياز له چوارچيوهى بتهوكردن هاوپهيمانيهيل ئهمريكى له كهنداو عهرهبى.
پنتاگۆن له بهياننامهيگ ك(شهفهق نيوز)ئاگادارى بوى، وت: وزارهت خارجيه داوا له كۆنگرس ئهكا رهزامهنى دهربخا لهبان ئهوهگ سعوديه بدێده خاوهن 10 باڵۆن چهودێرى(سيستم ئاشكراكردن ههڕهشهى وهردهوام)ك لهلايهن كومپانياى"لوكهيد مارتن" دروس كرياگه، يهيش بيجگه تهقهمهنيهيل تر و مهشقداين ئهرا شارهزايى له وهكارهاوردن ئهو باڵۆنهيله.
جى باسه بهياننامهگه باس لهوهيش كرد ك ئى فرووشتنه ئامانجهيل سياسهت خارجيهو ئاسايش نهتهوهيى وڵاتهيل يهكگرتگ بتهوتر ئهكا لهڕى بتهوكرن ئاسايش هاوپهيمانيگ گرينگ ك هيمان هيز سهقامگيرى سياسى و پيشكهفتن ئابووريه له خوهرههڵات ناوين و باس لهوهيش كرد ك ههردوگ وزارهت وهرگرى و خارجيهى ئهمريكييش ئوميدهوارن كۆنگرس ئهمريكى رهزامهنييش نيشان بيهێد لهبان ريككهفتنيگ وه 400 مليۆن دۆلار ئهرا خاسسازى و تازهكردنهوهى تهيارهيل هێليكۆپتهر جهنگى ئهباتشى ك زويتر فرووشيانهسه كوهيت.