ئه‌مريكا قه‌واره‌يل تر ئيرانى خسته ليست سزايه‌يل
2019-01-24T18:45:00+00:00
شه‌فه‌ق نيوز/ وڵاته‌يل يه‌كگرتگ ئه‌مريكا ئاشكراى زيايكردن 4 قه‌واره‌ێ تر تازه‌ى ئيرانى كرد ئه‌را ليست ئه‌و سزايه‌يله ك چه‌سپيانه له‌بان ته‌هران.
وه‌زاره‌ت گه‌نجينه‌ى ئه‌مريكى وت: ئه‌و قه‌واره‌يل تازه‌ى ئيرانيه ك زياێ كريانه په‌يوه‌سن وه فه‌يله‌ق قودس له پاسه‌وان شۆڕش و كۆمپانياى ته‌ياره‌وانى ماهان، ك ووه كرده‌وه له سيسته‌م دارايى جه‌هانى لاوريه‌ن.
وه‌زاره‌ته‌گه له به‌ياننامه‌يگ له‌بان ماڵپه‌ڕه ئه‌لكترۆنيه‌گه‌ى ئه‌وه ده‌رخست ك سزا له‌بان "ليواى فاتميون" و كۆمپانياى "فلايت ترافڵ" چه‌سپياگه ك باره‌گاى ها ئه‌رمينيا و كۆمپانياى " قه‌شم ئاير فارس ئه‌را ته‌ياره‌وانى" ك باره‌گاى ها ئيران و "ليواى زه‌ينه‌بيون".
