ئه‌مريكا خوه‌نينه‌وه ئه‌را وه‌خشين له سزايه‌يل نه‌فتى ئيران ئه‌كا
2018-10-06T06:55:00+00:00
شه‌فه‌ق نيوز/ وه‌رپرسيگ له حكومه‌ت ئه‌مريكى وت: ئداره‌ى دوناڵد ترامپ سه‌رۆك ئه‌مريكا خوه‌نينه‌وه ئه‌را وه‌خشين له‌و سزايه‌يله ئه‌كا ك مانگ ئاينده چه‌سپيه‌ێد له‌بان ئه‌و ده‌وڵه‌ته‌يله ك داهاتى كه‌مه‌و ئه‌كا له نه‌فت ئيرانى.
ئه‌و وه‌رپرسه ك نه‌تواس ناوێ ئاشكرا بدێ وت: ئداره‌ى ترامپ له كاره‌يليگ ناوخوه‌يى هوير له خوه‌نينه‌وه ئه‌را وه‌خشين داوه‌زين داهاته‌يل گه‌ورا ئه‌كاو ئداره‌گه ئاماده‌س ئه‌را كاركردن وه‌ل هه‌ر ده‌وڵه‌تيگ وه‌ته‌نيا ك داهاتى كه‌مه‌و بكا وه‌ل ئيران، ك يه‌يش يه‌كه‌مين جاره وه‌رپرسيگ ئه‌مريكى باس له ئيچنه مه‌سه‌له‌يگ بكا.
جى باسه، ئى سزايه‌يليشه ئامانج له‌لى ئه‌وه‌سه ناچار ته‌هران بكريه‌ێد ده‌خاڵه‌ت له سوريا و عراق نه‌كاو كووتايى وه به‌رنامه مووشه‌كه باليستيه‌گه‌ێ بارێد.
