ئه‌مريكا خاڵ چه‌ودێرى ئه‌را مقه‌يه‌تى كورد له مه‌رزه‌يل توركيا دامه‌زرنێد
شه‌فه‌ق نيوز/ هيزه‌يل ئه‌مريكى ده‌سكردنه دامه‌زرانن په‌نج خاڵ چه‌ودێرى له مه‌رزه‌يل توركيا، ئه‌ويش له‌چوارچێوه‌ى رێ وشوونه‌يليگ ك وهاشنتۆن ئه‌نجامى ئه‌ياد ئه‌را پته‌وكردن وجوود سه‌ربازى و دبلۆماسى باكوور خوه‌رهه‌ڵات سوريا، ك ئمزاكردن ياداشتيگ له‌يه‌كڕه‌سينه‌وه ئه‌را ماوه‌ى ساڵێگ ئه‌را مه‌شقداين 30 هه‌زار چه‌كدار گرته خوه‌ى له هيزه‌يل ديموكرات سوريا و له‌ناوبردن شانه‌يل داعش.
له‌ى باوه‌ته‌و، شه‌رقولئه‌وسه‌ت له‌زووان سه‌ركرده‌يگ له يه‌كه‌يل پاسه‌وان ملله‌ت وت: دويه‌كه سوپاى ئه‌مريكى ده‌سكرده‌سه دامه‌زرانن سێ خاڵ چه‌وديرێ له ته‌ل ئه‌بيه‌ز و دو خاڵ له كۆبانى له‌بان مه‌رزه‌يل توركيا.
لاى خوه‌ييشه‌و خه‌ڵوسى ئه‌كار وه‌زير وه‌رگرى توركيا، دامه‌زرانن ئى خاڵه‌يل چه‌وديريه هويچ سووديگ نه‌يرێد و توركيايش پاشگه‌ز نادێ له وه‌رگرتن ڕێ وشوون ك فه‌رز ئه‌دێ له‌بان لايه‌ن تر له مه‌رز روێ وه‌ڕوێ بونه‌وه‌ى مه‌ترسيه‌يل و هه‌ڕه‌شه‌يل.
