ئاماژەیگ نوو ئەرا دەرچگن کۆڕۆنا .. چین تاقێگەی ووهان بەسێد
شەفەق نیوز/ هیمان بۆچون دەرچگن ڤاێڕۆس کۆڕۆنای نووەوبوی لە تا‌قێگەیگ لە شار ووهان لە ناو چین جی باس زانست و سیاسیەیل دەور جیهانە. ئیسە تیژتەرەو بوی ك دویای بڕیاریگ گڕوگورج ئەرا ماوەیگ لە تەشرین یەکەم هێڵ مۆبایل بڕیا. ، جوی ئاماژەیگ ک کیزانی دویای قومیاییگ، وەناکاوەو تاقێگەی ڤاێڕۆسەگان لە ووهان بەسریا.
سەرچەویلیگ ئەرا توڕ (ئین بی سی نیوز) باس کرد ک گردین تایبەتێگ وە شوون لیست مۆبایلەگان، ئه‌وه خستە دەیشت ک تاقێگەی ووهان ک ڤایڕۆسە تاجینەگان خوەنیدەو، لە تەشرین یەکەم وەرین بەسریا. ئاماژەیش دا ک ئاژانسەیل جاسووسی ئەمریکی ئیسە دووارە ئەو بەڵگەنامەیلە خوەننه‌و، وەلی لێکۆڵینەوەکارەیل زانیاریی نەتویەنستن دەرچگن ڤایڕۆسەگە لەو تاقێگە بچەسپنن.
راپۆرتەگە وت؛ مۆبایلەیل له كاركه‌فتبین لە بەشیگ لە پەیمانگاگە ک هالە ژیر پاسەوانی بەرزیگ، لە ماوەی ناوبەین ٧ تا ٢٤ تەشرین یەکەم، و شایەت لەورا كاره‌ساتێگ گه‌ورا قه‌ومیاگه ، لە ناوبەین ٦ و ١١ تەشرین یەکەم.
چمان راپۆرتەگە هویچ بەڵگەیگ راستەخۆ لەبان وسانن تاقێگەگە نیەخەێدە وەردەس، یا لەبان بۆچون دەرچگن ڤاێڕۆسەگە، یا لەبان دەرگنی لەڕی هەڵەوە.
لە وەختیگ وەرین، ئاژانسەیل زانیاری ئەمریکا، راپۆرتەیلیگ وەرگردن، لە بەیاننامەیل مۆبایل ومانگە دەسکردەیل جاسووسی، ئاماژە وە بەساننیگ لە تاقێگەگە دان، وەگورەی قسەی دوو بەرپرس ئەمریکی ک وەکارەگە زانن. دویای تاقیکردن وینەو بەیاننامەگان، ئاژانسەیل زانیاری نەتویەنستن هویچ بەساننیگ بچەسپنن، لەوەختیگ بەڵگەنامەگە ئاماژە وە بەڵگەیل راستەخۆ وە بۆچون درچگن ڤاێڕۆسەگە دەن.
دیارە ک لیکۆڵینەوە لە شوینیگ سەدها فەرمانبەر هاتی تەنیا بەشیگ بویچگ لە بڕ مۆبایل گریده خوه‌ی ک توانای چه‌ودێری ئەرایان بوود.
