ئەنفال رووس لە شار خانەقین

هەناێ رەسینە شار خانەقین، رەفتار فرە بەدیگ وەرد خەڵکەگە کردن، وە بڕەو لە مەردم خانەقین کوشتن، ک وەوەگ باس کریەێد  نزیکەی ( 500) کەس لەناو شارەگە کوشتنە، و لە دەورگرد شاریش تا رەسێدە قزرەوات زیاتر لەو شمارە کوشتنە، لەوانەگ پیاو عوسمانی بوینە یا لە ناو فەرمانگەیل عوسمانی کار کردنە. 

موستەفا پاشای باجەڵان لە شار بەغدا نامەیگ ئەرا بەریتانیەیل کل کەێد لەباوەت ئەو کۆمەڵکوژیە و رەفتار بەد هیزەیل رووس، باوجی بەریتانیەیل رەتی کەن ک بایەتە دەسمیەتی بیەن تا تویش گیچەڵیگ وەرد رووسەیل نان.

 رووسەیل سیا و چەرمگ وەیەکەو سزانن وتاڵان کردن.

ئەو رەفتار بەد سوپای رووسە وەیجویرە کرد ک بەش فرەیگ لە خەڵک خانەقین بان بگرنەوەر وەرەو کنار کوێەی باخچە لە باشوور شار خانەقین بچن و بڕیگیش پەنابەر عوسمانیەیل لە شار کفری بوي. 

ئیجا هەناێ عوسمانیەیل شار  خانەقینیان گلەو دان بوينە تەواوکەر ئەو ويرانكاریەیلە کە رووس ئەنجامی دا، و مەینەت و  ئازار خەڵکەگە دا و مەردمیگ لەسێدارە دان.

یە وەردەوام بوی تا کانون یەکەم ساڵ 1917 ک بەریتانیا هاتە ناوشار خانەقین .

ئەرا زانیاری زیاتر بنووڕنە:

( خانەقین لە نێوان ساڵانی 1918 - 1958 ) ماستەرنامە/ زیاد نعمان محمود.