قەورسان پۆلەندی.. شیوەی زاقیگ لە مرۆیی لە خانەقین تا وارسۆ (وێنە)
شەفەق نیوز/ وەدۊیری ٥ کیلومەتر وەرەو باشوور شار خانەقین، سەدان لە قەورەیل جەنگ جەهانی دۊیەم هەس لە ماوەی داگیرکردن عراق لەلایەن بەریتانیا، وەرجە زیاتر لە ٨٠ ساڵ.
چالاکوان مەدەنی سەروەر عەلی دەلو، یەکیگە لەوانەگ گرنگی وە باقەت قەور هاووڵاتیەیل و سەربازەویک پۆلەندی و هیندی داگە، ک لەوەر مافەتە و تاعون لە دۊیای هاتنیان وەگەرد هێزەیل بەریتانی مردن.
سەروەر دەلو ئەرا ئاژانس شەفەق نیوز باس مێژوو و راسی قەورسان پۆلەندی کەێد؛ ک لە جەنگ جەهانی دۊیەم، لە رەسین هێزەیل بەریتانی ئەرا عراق، کەسەیلیگ هاووڵاتی و کارکەر نەوکەرد و خیزان وەگەردیان هاتن ک لە ناسنامەیل پۆلەندی و هیندی بۊین، و لەو مەقە مافەتەی تاعون بڵاو بۊێ، ک بۊیە هووکار مردن سەدان لە سەرباز و هاووڵاتیەیل، و بردن تەمەیلیان وەرەو وڵاتەیلیان لەوەر جەنگەگە وەپیان نەکریا.
و دیاری کرد ک شمارەی قەورەیلە لە قەورسان پۆلەندی رەسێدە ٤٣٨ قەور، ١٠٣ لەلیان هن مردگەیل هندستانە، و ٣ لەلیان لە عەرەوەیلە، ک یە گەورەترین قەورسان پۆلەندیە لە عراق، و یەک قەورسان پۆلەندی تر هەس لە بەغداد لە نزیک باڵیۆزخانەی تورکی.
قەورسانەگە لەوەر پشتگووشخستن و پێشەلکاری لەلایەن بەشیگ لە خەڵکەگە کەفتیەسە وەر زەردەیل وەرچەویگ، هەرچەن شاند و چالاکوان و راگریانکارەیل پۆلەندی ئەرای وەردەوامە.
دەلو وتیش: باوەت قەورسان پۆلەندی شیوەیگە لە هەڵوێست خەڵک خانەقین وە گشت چینەیلیان ئەرا پێکەوەژیانن مرۆیی و بانگوازەیل دادرەسین وە زەرەدمەنەیل و ستەمدیدیلە جۊر پەیامیگ ئەرا حکومەت پۆلەندی تا وە شیوە رەفتار وەگەرد پەنابەریل عراق لەبان سنوور پۆلەندا بکەێد، بەڵکم دەسەڵاتەیل پۆلەندا وەپیچەوانەی هەڵوێست مرۆیی رەفتا کەێد ک خەڵک خانەقین و عراقی وەگشتی چەسپانەی.
وتیش: چەن وسیانیگ ناڕەزایی ئەرا پێکەوەژیانن و دادرەسین پەنابەرەیل عراق رێک خستیمن و ئەرا گرنگی رەفتارکردن مرۆیی و باوەشگردن ستەمدیدە و زەرەدمەنەیلەی جەنگ و قەیرانەیلە، ک خوەی بانگوازیگە ئەرا گشت دەوڵەتەیل جەهان تا لای مرۆیی بخەنە ئەوبانرر لە بەمایل سیاسی و دووچەوەکی.
