پەیکەر شاژن ناپیر ئاسۆ
2024-02-15T10:22:02+00:00
شەفەق نیوز/ پەیکەر برۆنزی شاژن ناپیر ئاسۆ ژن پاشای ئۆنتاش گال پاشای ئیلامیەگانە، پەیکەرەگەرەی لە تەڵا و برۆنز و مس درسکریاگە و بەرزیەگەی 130 سانتیمەترە مێژووەگەی گلەوخوەێد ئەرا سەدەی 13 وەرجە زاینی.
لە خوار پرتاڵەگەی شاژن ناو خوداوەندەیل شووش شاژن وە کڕ میخ ئیلامی نویسریایە و وەگەرد یاداشتیگ ئەرا ئەو کەسەیلە کە نیاز دزیکردن یا خەراوکردن پەیکەرەگەی بیاشتوون.
دەق نویسریاگەگەش بریتیە لە : " من ناپیر ئاسۆ ژن ئونتاش ناپیر شا هەرکەس بتواێد پەیکەرەگەی من بدزێد، هەرکەس بتواێد پەیکەرەگەم بشکنێد، هەرکەسیگ ئێ نویسریاگە لەناو بەێد یا ناو من بسڕێدەو رویوەڕوی نەفرەت خوداوەندەیل ئینشوشیناک، نب ئیریشا و کیریریشا بوودەو ناو و بنچینەی لەناو چوود.
جی باسە لە کلگ چەپ شاژن کلکەوانەیگ هەس کە وە یەکەمین کلکەوانەی هاوسەرگیری دانریەێد، ئێ شوینەوارە لە ساڵ 1903 وەلایەن شوینەوارناس ژاندو مورگان فەرەنسی لە پایتەخت ئیلام کویەن شار شووش پەیاکریا، ئیرنگە پەیکەرەگە ها لە مۆزەخانەی لۆڤەر لە فەڕەنسا.
