دهوڵ سەنگی.. وەرجە ٥ هەزار ساڵ دروس کریاگە
2022-02-16T07:05:17+00:00
شەفەق نیوز/ موزەخانەی بەریتانیا، ئاشکرای چشتیگ کرد جۊر دهوڵ سەنگی دروس کریاگە، تەمەنی ٥ هەزار ساڵە، ک یەکیگە لە گرنگترین ئەو پارچەیل ئاسەواریە ک لە سەردەمەیل وەرجە میژوو، لە بەریتانیا پەیا کریا.
دۊای ٦ ساڵ لە پەیاکردنی، بڕیارە ئەو دهوڵ سەنگیە ئەرا یەکەم جار لە پێشانگای گەورەیگ لەنزیک شۊن ئاسەواری ستۆنهینگ بخریەێدە وەرچەو، ک ئەو دهوڵە چوودەو ئەرا سەردەم سەنگی نوو (٣٠٠٠ وەرجە زایینی – ١٠٠٠ وەرجە زایینی)، و یونسکۆ لەساڵ ١٩٨٦ لە لیست ئاسەواری کەلتوور جەهانی تووماری کرد.
ئەو سەنگە لەناو باخیگ نزیک ئاوای بیرتون ئەگنیس لە خوەرهەڵات یورکشایەر لە ئینگلتەرا لە ساڵ ٢٠١٥ پەیا کریا، هەنای خاوەن باخەگە چاڵ ئەرا بیناکردن کەنی.
