"یا ره‌سووڵ ا... ده‌خیل"

عه‌رش گشتێ فه‌رشه‌ هه‌ر له‌ی خاکه‌ تا ئه‌فلاکه‌وه‌

تا بنیشێ ئه‌ڵ سه‌رێ تووز نعاڵ مسته‌فا

مانگ و ئاساره‌ و زوحه‌ل، ناهید و  گرد  مه‌نزومه‌وه‌

خڕ دخوه‌ن یه‌ک یه‌ک وه‌ گرده‌و گرد خاڵ مسته‌فا

نه‌ هه‌ جبریل ها ته‌ما به‌ڵکه‌م ک فه‌یزی ئه‌و بوه‌ێ

گشت مه‌لایک خوول ئه‌ڵ بان ماڵ مسته‌فا

یه‌ فرێشتگ وه‌ به‌شه‌ر گرد ڕز وسانه‌ تا بیاێگ

که‌س نیه‌وێ ده‌ی عه‌رزه‌ و ده‌ی عه‌رشه‌ هماڵ مسته‌فا

نوير حه‌ق نا ده‌ی که‌لاوه‌ به‌وره‌وه‌ تا گه‌ر بویت

چوی پیاڵه‌ی مه‌ی خومار  چاو کاڵ مسته‌فا

وای شه‌ماڵ ئه‌ر جوور خوه‌م خاپووره‌ ماڵه‌و ده‌ر وه‌ ده‌ر

ها ته‌ما تا بژنه‌وێ ده‌نگ و هه‌واڵ مسته‌فا

رێگه‌ تاریکه‌و دریژه‌ "یا رسول الله‌" ده‌خیل!

بێ­ که‌سم به‌شکه‌م بنووڕی خوه‌ت وه‌ حاڵ مسته‌فا

کوردێگم هه‌م که‌م زووانم هه‌م خه‌شیمم یا ره‌حیم!

یا بوه‌خش ئه‌و مسته‌فا

یا گه‌ر وه‌ ئاڵ مسته‌فا