هه‌واێ به‌رز كویه‌سان

سینگه‌یل پڕ ده‌ ئاه‌  ده‌روینه‌

خه‌م هه‌ر دڵێ چه‌ن بێستوینه‌

كویه‌ و ده‌ر و ده‌ێشت، گێشت وه‌ سینه‌میل

ئه‌سر ناودانه‌یل بییه‌س وه‌ قه‌نیل

واێ شه‌ماڵ، هاناێ، زه‌مین یه‌خینه‌

ئاسمان و خوه‌ر هه‌م یه‌خ وه‌سینه‌

هاناێ واێ شه‌ماڵ، واگه‌ێ وه‌هاران

ته‌نیا ده‌رمانه‌ێ ده‌رد بێ ده‌رمان

بێ هووشدار و زام شه‌فاێ بیماران

ئه‌ڕا گژه‌گژ نیه‌كه‌ى چوى جاران

واێ شه‌ماڵ هانا، دڵم ته‌ره‌كى

گیان نیه‌وه‌م ئمشه‌و تا وه‌ شه‌وه‌كى

زوى كه‌ بێاوه‌ڕێ چه‌مم ژێر پات

تا جاڕ بكیشم بویشم شه‌ماڵ هات