هه‌‌ر له‌‌ مناڵى

ڕه‌‌نگین شه‌‌و‌قه‌‌گه‌‌م هه‌‌ناسه‌‌ى دڵم

داره‌‌ گوڵه‌‌گه‌‌ى ناوباخچه‌‌ى گوڵم

وه‌‌خودا وه‌‌بى تن خه‌‌وم حه‌‌رامه‌‌

خاسترین خوراك له‌‌لام بیتامه‌‌

كوت كوتم بكه‌‌ن ڕیزه‌‌ بوو گیانم

ناود نیه‌‌سڕمه‌‌و له‌‌بان زووانم

ناود وه‌‌ل شه‌‌وقا ها له‌‌ ناو خوینم

هه‌‌ر وه‌‌ ئه‌‌و شه‌‌وقه‌‌ من ڕى خوه‌‌م دوینم

ده‌‌لیل و ده‌‌س كیش ڕى ژیانمید

نه‌‌رگس گوڵگه‌‌ى ناو گوڵدانمید

مه‌‌ر مردن بووه‌‌یگ ناود له‌ ‌یادم

ساز خوه‌‌شیمید وه‌‌و سازه‌‌ شادم

شاباش سه‌‌ربه‌‌رزى تن ئه‌‌رام كیشاید

من له‌ ‌ڕى وڵ بویم ڕى نیشانم داید

دار وشكیگ بویم سه‌‌وزم كردیده‌‌و

ئومید ‌وه‌‌ژیان ‌ڕام هاوردیده‌‌و

ماڵ و حاڵ گشتى كه‌‌م وه‌‌ قورباند

ئه‌‌ر گیان تواسید گیان نه‌‌م ئه‌‌وباند

تن دووس خاس شیرین زووانمید

حه‌‌كیم ده‌‌رد و زام و ژانمید

خزمه‌‌تكاردم تادونیا دونیاس

قه‌‌ده‌‌ر ئشقمان هه‌‌ر له‌‌یوا نویسیاس

شوكر خودا كه‌‌م یه‌‌كه‌‌و گرتیمن

ده‌‌رد چه‌‌ن ساڵه‌‌ ئه‌‌را یه‌‌ك وتیمن

سالم خه‌مانى