هه‌رچگه بوى لاو برد
شه‌وق شه‌ل و زه‌وق زه‌رد
هوره کزه جوور موور
ره‌نگ ده روی گۆڵ نه‌ما
بێژه ڕه‌ش و زه‌رد و بوور
دار به‌ڕوی به‌رگ خه‌م
کرده وه‌رو کزه و بوی
باخ دیاری گۆڵ
پڕ ده وزه‌وزه‌و بوی
ده‌نگ ده ماسی نیه
هه‌رچگه بوی لاو برد
ئی کیه‌نیی ليخنه
لانه‌ویز مانگ کرد
دیو تیه‌ڵ زه‌رده‌مار
باڵ په‌ری ئه‌و به‌سی
مڵک دیاری ئێڵ
ها وه ده‌س بێ که‌سی
ڕزق مه‌لويچگ بڕین
پڕ ده قڵاسه وڵات
به‌ور سیه‌ێ ئاسمان
گرته وه‌رو خوه‌ر نه‌ڵات
هه‌رچگه مه‌ل هانه باخ
دی نیه‌خوه‌نن لاڵ بوين
مه‌ی ده دڵ مه‌وی نه‌ما
وا ژه‌نیه‌ێ بوی وه خوين
سه‌ر بويه‌سه بارمان
تووز خه‌م و ڕووژ خه‌م
جوور ته‌مێ گرتگه
روی چیه‌ممان توژ خه‌م
هامه ته‌ما هه‌م که‌پوو
بیاێگه ده‌ر ماڵمان
بار خه‌وه‌ر ئه‌و بێنه‌ێ
بويش ده ئمساڵمان
بويش ک واران ده‌نوو
دیاگ وه سه‌ر دانمان
دار ده‌نو گۆڵ گرێ
پڕ دوێ دامانمان
