پەنج پارچە

2022-12-12T11:00:00.000000Z

چۊ جامەکێ شکیامە

 خەوەر نەیریدن

چۊ چیلگێ سزیامە

 خەوەر نەیریدن

من سەرپۆڵ° ئابادو خوەش° ئەوسا نییم

ناو زەۊلەرزه ڕمیامە

 خەوەر نەیریدن.

        رزا جەمشیدی 

………..

تــــ° هاتیدوو لە نوو واران شــــروو کرد

لە نوو باخ° سیە، مــەی وەڵنــڰ° نوو کرد

قسەێ زڵـفـــــ° شەوارو مانــــــڰ° دیدەد

گـــوڵو بـاخـــو دڕگــــ تامــــازرو کرد.

           نوشین حاتمی 

…………

ژيــــــــان یانێ

          سزیانو پا وە گەز دان 

وە دووارە لە خوەڵەکووان

  

      سەوز کردنو

                                        پەلوەچ کیشان.

         سەعید عبادتیان 

………..

م° تاوان° ژیانم دامەسەو دی

م° ئەسپ° خۆەزێەوەیل کۆتامەسەو دی

ژینگم، نیشتمانم پڕ له زامه

       

پەتەسووەیل° گیانم نامەسەو دی.

       فاتمە سەیدی هانا

 ……….         

          

ناوم لە هۊر° وێنەم چێە!

هۊچ جامەکێ

نیەناسێدەم.

       نەسرین شەفیعی

Shafaq Live
Shafaq Live