میلکان دڵ
2024-06-24T13:14:40+00:00
ئمشه‌و توواێ له داخ دڵ ،چیو که‌و وه بێده‌نگ فڕ بکه‌م
خوه‌زێه‌و ک تاگه‌ر خوه‌ر هه‌ڵاێ، هه‌ر و‌ه‌ێ هنازه‌و بڕبکه‌م!
چید و ت هیشتیده‌م وه جی، له‌ێ ته‌پڵه تووزان خه‌مه‌و
شه‌رت بو ک تا بایده‌و له نوو، تا لاێ خودا ده‌س دڕ بکه‌م
په‌ێتاو له دیوری کردمه‌و، ساقی له من بڕێاێه دی
ئاخر ت بیوشه‌ێ هه‌ر وه من ، تا که‌ێ چیو ئاگر گڕ بکه‌م
هه‌ێ هه‌ێ خشه‌ێ پاگه‌ێ زه‌لان، هه‌ڵپێچیا له‌ێ ناوه دی
ئیوشن له شوونم هاتێه، تا گه‌ر ئڕاێ خه‌م چڕ بکه‌م
به‌وره‌و هساره‌ی وه‌رسووم، له‌ێ نوو هه چیو جاران هه‌ڵا
زانم ک دیوریدن له لیم ، ئمشه‌و تووای کوڵ وڕ بکه‌م
خوه‌زێه‌و که‌شه‌ێ یه‌ێ جا ت بای، سه‌ر به‌ی له میلکان دڵم
تاگه‌ر کولی زنێانیم ، هه‌ر وه‌و چه‌وه‌یله‌و خڕ بکه‌م
حامد شەبابی
