لەکم

لەکم

لەک کوردستان نام‌دیارییم 

ئامووختەی زنەی کوردەوارییم 

کوردم، لەک‌زادەم، نەوادەی مادم

زام‌هوردەی تیر ستەمکارییم

ڕووڵەی فرەزان خەڵک یارسانم 

مورید پاکباختەی ڕاسگوفتارییم 

حەقیقەت ڤتن میرات دوودمانمه 

بێزار ئەژ دروو و ڕیاکارییم 

سەرسپردەی حەق و حەقیقەت منم 

شکەستەی جەوز مەردمدارییم 

گووڵ‌هوردەی جەور نامەردمییم 

دەس و دڵباختەێ نێک‌پندارییم 

ڕووڵەی سەرڤجاخ کەڵن قەوم لەکم 

بەرد ئەر بان بەرد بەدبیارییم 

ڤە نامڕاس مڵک و میرات باوانم 

بوونە تەماشا غەرێڤوارییم 

کورد جەفا دیدەی ڕووژگارانم 

دوشمەن نایانی و بێ‌هاماڵییم 

زادە و پەرڤەردەی کەش و کەمەرم 

خووکەردەی قەیقاج و سوارکارییم 

جفتیار زەحمەتکێش ڕای زنگانیم 

عەهد بەستەی مەنش نیک‌ڕەفتارییم

لەکەمیر