كى ديرم
كى ديرم له‌ی رووژ سه‌خته گووش گرێ له ناڵينم
بيجگه تو كه‌سى نيه‌ناسم وه‌حشه‌تم لاى مالی كه‌م
هه رچه‌نى دوير بم له‌ليد باوه‌ڕ نه‌كه‌ی له ياد بچى
گه‌ر زووا ن له زكر تو غا فڵ بمينێ لاڵى كه‌م
چه‌ن تاوان له ده‌سم كه‌فت تاگه‌ر بكيشم ئه‌ى جه‌فا
خه‌و دوينم ياخود خه‌ياڵه روی له روی جه‌و كاڵى كه‌م
ئه‌ی خودا تا كه‌ى ده‌روينم له‌ى خه‌مه ئازاد نيه
سه‌د مردن له رووژى خاسه نه يه‌ی جار هاوماڵى كه‌م
ئه‌سب غه‌م چه به‌دبه‌خته بارى له توانا قه‌ت نه‌ما
رابڕين سه‌حراى جه‌فاى د ڵ بار و زين و ناڵى كه‌م
ئه‌سر چه‌و دايه‌م له ديده‌م چوی ئه‌ڵوه‌ن جارى بويه
را سڕين زه‌خم گونام من مينه‌ى ده‌سماڵى كه‌م
رووژ و شه‌و دايه‌م په‌ژاره‌س هاوده‌مم له‌ی غوربه‌ته
له‌ى غه‌م و زام ده‌روينه من دروس يه‌ى ماڵى كه‌م
ئه‌و كه‌سه‌ى وه تير برژانگ كاريى كرد جه‌رگ و دڵم
رووژی تر يه‌قه‌ى كه‌س نيه‌گرم خوين خوه‌م حه‌ڵالى كه‌م
تا بزانم كه‌ى خودا ڕووژی له هانام كه‌يگه‌وه
ئه‌ى دوئا و جادوى ئه‌قيمه بتويه‌نم به‌تاڵى كه‌م
چی له ده‌سم نه‌وجوانى مرد و دى نيه‌تيه‌ێگه‌و
يه‌سه وه‌ى ديده‌ی بى نووره‌و نيشتمه سه‌رساڵى كه‌م
هويچ كه‌سى چوی من نه‌كيشێ ئاه و زه‌حمه‌ت ئه‌ى خودا
هه‌ر خه‌مه و له ته‌خت سينه‌م وه زينى له چاڵى كه‌م
